दक्षिण भारतीय अभिनेता प्रभास अभिनीत फिल्म 'कल्की २८९८ एडी' ले बक्स अफिसमा राम्रो कमाइ गरिरहेको छ।
भारतीय सञ्चारमाध्यम दैनिक जागरणका अनुसार भारतमा फिल्मले १२ दिनमा ५२१ करोड ४ लाख भारू कमाइ गरेको छ। फिल्मले विश्वभरबाट ९०० करोड भारूमाथि कमाएको छ।
फिल्मले हिन्दी भाषामा २१८ करोड ९ लाख, तेलुगु भाषामा २४९ करोड ५ लाख, तमिल भाषामा ३० करोड ५ लाख, मलयालम भाषामा १८ करोड ८ लाख, कन्नड भाषामा ४ करोड १५ लाख भारू कमाइ गरेको हो।
नाग अश्विनले निर्देशन गरेको फिल्ममा प्रभास, अमिताभ बच्चन, दीपिका पादुकोण र कमल हासनको मुख्य भूमिका छ। फिल्ममा विजय देवराकोन्डा, दुल्कर सलमानको केमियो भूमिका छ।
