बलिउड अभिनेता लक्ष्य र राघव जुयाल अभिनीत फिल्म 'किल' ले बक्स अफिसमा राम्रो कमाइ गरिरहेको छ।
भारतीय सञ्चारमाध्य एनडिटिभीका अनुसार फिल्मले ६ करोड २ लाख भारू कमाएको छ।
१ करोड २५ लाख भारूमा ओपनिङ गरेको फिल्मले दोस्रो दिन २ करोड १५ लाख र तेस्रो दिन २ करोड ८ लाख भारू कमाएको हो। यो फिल्मको बजेट १० देखि २० करोडसम्म बताइएको छ।
निखिल नागेश भट्ट निर्देशित फिल्ममा लक्ष्य लालवानी, राघव जुयाल, आशिष विद्यार्थी, हर्ष छाया, तान्या मानिकतलालगायत कलाकारको अभिनय छ। यस फिल्मलाई निखिल नागेश भट्टले निर्देशन गरेका हुन्।
फिल्म धर्मा प्रोडक्सन र सिख्या इन्टरटेन्मेन्टले मिलेर निर्माण गरेका हुन्।
