दक्षिण भारतीय अभिनेता रजनीकान्त अभिनीत फिल्म 'कुली' को टिजर सार्वजनिक भएको छ।
सोमबार फिल्मको नाम घोषणा गर्दै टिजर सार्वजनिक गरिएको हो। यो फिल्म घोषणा गर्दा 'थलाइवार १७१' नाम राखिएको थियो। सार्वजनिक टिजरमा अभिनेता रजनीकान्तलाई ग्याङस्टारसँग एक्सन गरिरहेको देख्न सकिन्छ।
अभिनेता रजनीकान्तले सामाजिक सञ्जालमा टिजर पोस्ट गर्दै लेखेका छन्, 'हामी तपाईंहरूलाई माया गर्छौ। थलाइवा रजनीकान्त! कुली!'
फिल्मको टिजर सार्वजनिक भएपछि दर्शकहरूले फिल्म उत्कृष्ट हुने बताइरहेका छन्।
लोकेश कनगराजले निर्देशन गर्ने फिल्ममा अनिरुधको संगीत रहनेछ। यो फिल्म सन् २०२५ मा प्रदर्शन हुने बताइएको छ।
