दक्षिण भारतीय फिल्म 'कल्की २८९८ एडी' को टिजर सार्वजनिक भएको छ।
आइतबार सार्वजनिक गरिएको टिजरमा अभिनेता अमिताभ बच्चनको पात्रलाई परिचित गराइएको छ। फिल्ममा उनी द्रोणाचार्यका पुत्र अश्वत्थामाको भूमिकामा देखिनेछन्।
फिल्ममा प्रभास, अमिताभ बच्चन, दीपिका पादुकोण, कमल हासन र दिशा पाटनीको मुख्य भूमिका छ।
यो प्रभासको करियरकै सबैभन्दा महँगो फिल्म हुनेछ। भारतीय सञ्चारमाध्यमका टाइम्स अफ इन्डियाका अनुसार फिल्मको बजेट ६०० करोड भारू छ।
नाग अश्विनले निर्देशन गर्न लागेको फिल्ममा अश्विनी दत्तको लगानी रहने छ। इन्डियन माइथोलोजीबारे फिल्मको कथा हुनेछ।
यो फिल्म मे ९ देखि प्रदर्शन हुनेछ।
