कमेडी फिल्म 'वेलकम' र 'वेलकम २' को सफलतापछि 'वेलकम टु द जंगल' बन्ने भएको छ। यस फिल्मलाई लिएर दर्शक उत्साहित छन्।
अहमद खानले निर्देशन गर्ने फिल्ममा अक्षय कुमार, सञ्जय दत्त, सुनील शेट्टी, रवीना टन्डन, ज्याकलीन फर्नांडिस, दिशा पाटनीलगायत कलाकारको अभिनय रहनेछ। हालै फिल्ममा ज्याकी श्राफ र आफताब शिवदासानी अनुबन्धित भएका छन्।
केही समयअघि फिल्मको एक टाइटल ट्याक भिडिओ सार्वजनिक गरिएको थियो। जसमा अक्षय कुमार, तुषार कपूर, श्रेयस तलपेडे, सञ्जय दत्त, सुनील शेट्टी, दिशा पाटनी, रवीना टन्डन, लारा दत्ता, ज्याकलीन फर्नांडिस, परेश रावल, अरशद वारसी, जोनी लिभर, कृष्णा अभिषेक, राजपाल यादवलगायतका कलाकार देखिएका थिए।
भारतीय सञ्चार माध्यम दैनिक जागरणका अनुसार फिल्मको ५० प्रतिशत छायांकन मुम्बईमा हुनेछ। बेस इन्डस्ट्रिज ग्रुपले प्रस्तुत गरेको फिल्ममा फिरोज ए नाडियाडवालाको लगानी छ।
यो फिल्म सन् २०२४ डिसेम्बर २० मा प्रदर्शन हुनेछ।
