भारतीय अभिनेत्री पूजा हेगडेले मुम्बईमा ४५ करोड भारूको घर किनेकी छन्।
भारतीय सञ्चारमाध्यम दैनिक भास्करका अनुसार उनले मुम्बईको बान्द्रामा समुद्रनजिक एक बंंगला किनेकी हुन्। यो बंगलामा ४ हजार स्क्वायर फिटको लिभिङ स्पेस भएको छ।
पूजा अहिलेसम्म बान्द्रामै थ्रिबिएचके अपार्टमेन्टमा बस्दै आएकी थिइन्। यसको मूल्य ६ देखि ८ करोड भारू रहेको बताइएको छ। यो फ्ल्याट बाहेक पूजासँग पोर्श केयेन जस्ता लक्जरी कार पनि छ। यो कारको मूल्य करिब २ करोड भारू रहेको छ।
यस बाहेक उनीसँग ८० लाख भारूको आउडी क्यू७ र ६० लाख भारूको ज्यागुआर छ। भारतीय सञ्चारमाध्यमका अनुसार पूजासँग ५१ करोड भारू सम्पत्ति छ।
पूजा आगामी फिल्म 'देवा' मा देखिँदैछिन्। फिल्ममा उनीसँग शाहिद कपूरको अभिनय रहनेछ।
