बलिउड अभिनेत्री करीना कपूर खान, कृति सेनन र तब्बू अभिनीत फिल्म 'क्रु' सय करोड क्लबमा समावेश भएको छ।
भारतीय सञ्चारमाध्यम बलिउड लाइफका अनुसार फिल्मले ९ दिनमा एक सय करोड भारु कमाएको हो। फिल्मले विश्वभरबाट १०४ करोड ८ लाख भारू कमाएको छ।
यो फिल्मले भारतीय बक्स अफिसमा मात्रै ५७ करोड भारूबढी कमाएको छ।
राजेश कृष्णननले निर्देशन गरिरहेको फिल्ममा एकता कपूर, दिग्विजय पुरोहित र रिया कपूरको लगानी छ। फिल्ममा करीना, कृति र तब्बूसँगै दिलजीत दोसाँझ, कपिल शर्मा, राजेश शर्मालगायत कलाकारको अभिनय छ।
फिल्ममा कोहिनूर एयरलाइन्समा काम गर्ने तीनजना एयर होस्टेसले सुन भेटेको कथालाई देखाइएको छ।
अनिल कपूर फिल्म एन्ड क्युनिकेशन नेटवर्क र बालाजी मोशन पिक्चर्स ब्यानरमा बनेको फिल्म २९ मार्चदेखि प्रदर्शन भइरहेको छ।
