बलिउड अभिनेता अजय देवगन र अभिनेत्री सोनाक्षी सिन्हा अभिनीत फिल्म 'सन अफ सरदार' को सिक्वेल बन्ने भएको छ।
यो फिल्म २०१२ मा प्रदर्शन भएको थियो। भारतीय सञ्चारमाध्यम दैनिक जागरणका अनुसार 'सन अफ सरदार' मा नयाँ कलाकारलाई भित्र्याइने छ। फिल्मको कथा अजय देवगनको वरिपरि घुम्ने छ। फिल्ममा सोनाक्षी सिन्हा र सञ्जय दत्त भने देखिने छैनन्।
यो फिल्मको छायांकन आगामी वर्ष हुनेछ। यस फिल्मलाई विजय कुमार अरोडाले निर्देशन गर्नेछन्। उनी पञ्जाबी फिल्मका चर्चित निर्देशक हुन्।
'सन अफ सरदार' लाई अश्वनी धिरले निर्देशन गरेका थिए।
अजय देवगनको पाइप लाइनमा 'सिंघम अगेन, रेड २, दृश्यम ३, दे दे प्यार दे २, गोलमाल ५' जस्ता फिल्म छ।
