बलिउड अभिनेता अजय देवगन अभिनीत फिल्म 'मैदान' को ट्रेलर सार्वजनिक भएको छ।
बिहीबार जि-स्टुडियो युट्युब च्यानलमार्फत फिल्मको ट्रेलर सार्वजनिक गरिएको हो। फिल्ममा अजय देवगनले भारतीय फुटबल प्रशिक्षक सैय्यद अब्दुल रहीमको भूमिका निर्वाह गरेका छन्। सैय्यद अब्दुल रहीम १९५० देखि १९६३ सम्म भारतीय फुटबल प्रशिक्षक थिए।
अमित रवीन्द्रनाथ शर्माले निर्देशन गरेको फिल्ममा अजयसँगै प्रियमणी, गजराज राव, रुद्राणीलगायत कलाकारको अभिनय छ।
फिल्ममा जि-स्टुडियो, बोनी कपूर, आकाश चावला, अरुणा जोय सेनगुप्ताको लगानी छ।
यो फिल्म अप्रिल १० मा प्रदर्शन हुनेछ।
