फरहान अख्तरको निर्देशनमा बन्ने फिल्म 'डन ३' घोषणा गरेसँगै चर्चामा छ।
यस फिल्मबाट शाहरूख खान बाहिरिएपछि अभिनेता रणवीर सिंहलाई अनुबन्ध गराइएको थियो। शाहरूखको स्थानमा रणवीर अनुबन्धित भएको खबर बाहिरिएसँगै शाहरूखका फ्यान निराश भएका छन्। रणवीरले शाहरूखको जस्तो अभिनय गर्न नसक्ने उनीहरूको तर्क छ। यस्तै फिल्ममा कियारा अडवानी अनुबन्धित भएकी छन्।
यो फिल्म ठूलो बजेट निर्माण हुने बताइएको छ। फिल्मका कलाकारले महंगो पारिश्रमिक लिएको छन्। भारतीय सञ्चारमाध्यम एनडिटिभीका अनुसार फिल्मबाट अभिनेत्री कियारा आडवानीले १३ करोड भारू लिएकी छन्। यो उनको हालसम्म महंगो पारिश्रमिक हो। उनले 'वार २' को लागि भन्दा दुई गुणा बढी पारिश्रमिक लिएकी हुन्।
फरहान अख्तरले अमिताभ बच्चन, शाहरुख खान र एक नयाँ अभिनेतालाई लिएर फिल्म बनाउने योजना बनाएका थिए। तर अख्तरको तीन पुस्ता लिएर फिल्म बनाउने योजना शाहरूखलाई मन नपरेको बताइएको छ।
‘डन र डन २’ मा अभिनेता शाहरूख खानले अभिनय गरेका थिए। उनको केही संवाद निकै चर्चित भएको थियो।
