बलिउड अभिनेता रणवीर कपूर र आलिया भट्टको २० वर्ष पुरानो तस्बिर भाइरल भइरहेको छ।
उक्त तस्बिरमा रणवीरको काँधमा आलियाले टाउको राखेकी छन्। उनीहरू सञ्जयलीला भन्सालीको फिल्म 'बालिका बधू' मा काम गर्ने तयारीमा थिए। त्यतिबेला उनीहरूले फोटोसुट गरेका थिए र अडिसन पनि दिएका थिए।
आलियाले उक्त तस्बिर फ्रेम गरेर आफ्नो घरमा राखेकी छन्। रणवीर र आलिया पहिलो पटक भेट्दा आलिया ९ वर्षकी थिइन् भने रणवीर २० वर्षका थिए।
रणवीर र आलियाको तस्बिर बाहिरिएपछि सामाजिक सञ्जालमा बहस चलिरहेको छ। एक सामाजिक प्रयोगकर्ताले लेखेका छन्, 'आलियालाई आफूभन्दा ११ वर्ष जेठो रणवीरसँग कसरी माया बस्यो?'
आलिया र रणवीरले १४ अप्रिल २०२२ मा विवाह गरेका थिए। उनीहरूको एक छोरी राहा छिन्।
आलिया र रणवीर पछिल्लो समय फिल्म 'बह्मास्त्र' मा एकसाथ देखिएका थिए। यो फिल्मले बक्स अफिसमा औसत व्यापार गरेको थियो।
