बलिउड अभिनेत्री कियरा आडवाणीले सलमान खानको सल्लाहमा आफ्नो नाम परिवर्तन गरेको खुलासा गरेकी छन्। यो नाम परिवर्तन गर्नुको पछाडी कारण बलिउडको अर्की अभिनेत्रीसँग नाम जुध्नु हो।
कियाराको वास्तविक नाम आलिया हो।
'मेरो खास नाम आलिया हो। आलिया भट्टको कारण सलमानले मलाई बलिउडमा एकै नामका दुई अभिनत्री रहन नसक्ने भएकाले नाम परिवर्तन सुझाव दिए', उनले भनिन्।
कियराका अनुसार सुझाव सलमानले दिएपनि नाम भने उनी स्वयंले छनौट गरेकी हुन्।
'अब त मेरो बुबाआमाले पनि मलाई कियरा भनेर बोलाउन सुरू गर्नुभएको छ', उनले बताइन्।
कियराले सन् २०१४ मा बलिउडमा 'फुगली' सिनेमाबाट डेब्यू गरेकी हुन्। उनी अभिनित 'गुड न्यूज', 'कबीर सिंह', शेर शाह' तथा 'कंचना' रिलिजको क्रममा रहेका छन्।
