भदौमा प्रदर्शनमा आउने फिल्म 'माग्ने राजा' को पहिलो गीत सार्वजनिक गरिएको छ।
मंगलबार सार्वजनिक 'त्यो मीठो जोवन' बोलको गीतको भिडिओमा फिल्मका मुख्य कलाकार केदार घिमिरे (माग्ने बुढा) र वर्षा सिवाकोटी फिचर्ड छन्।
यो डान्सिङ गीतमा दीपक शर्माको शब्द तथा संगीत छ। गीतमा रचना रिमाल र सविन सुवेदीले स्वर दिएका छन्। मायाप्रेमको कुरा गरिएको गीतको भिडिओलाई कविराज गहतराजले कोरियोग्राफी गरेका हुन्।
ऋषि लामिछानेको निर्देशनमा बनेको ‘माग्ने राजा’ को प्रस्तुतकर्ता मुनाल घिमिरे हुन्।
निर्देशक लामिछानेले 'माग्ने राजा' ले अहिलेको अवस्थामा आफैलाई राजाको रूपमा प्रस्तुत गर्ने युवापुस्ताको कथा देखाउने बताए।
प्रस्तुतकर्ता तथा निर्माता मुनाल घिमिरे पनि यो फिल्ममार्फत लामो समयपछि निर्माणमा फर्किएका हुन्।
आरम्भ प्रोडक्सनको ब्यानरमा निर्माण भएको फिल्ममा केदार र वर्षासहित विल्सनविक्रम राई, शिशिर वाङ्देल, शारदा गिरी, पवित्रा साँकी (मिस पबी)लगायत कलाकारहरूको अभिनय छ।
सामीप्यराज तिमल्सेनाको लेखन रहेको फिल्ममा नरेन्द्र मैनालीको डिओपी, मित्र डि. गुरूङको सम्पादन छ।
'माग्ने राजा' भदौ ६ गतेदेखि प्रदर्शनमा आउनेछ। यसलाई आरआर फिल्मस्ले देशभरका हलमा वितरण गर्नेछ।
-1746009348.jpg)
