'मिस सुप्रानेसनल नेपाल २०२५' की विजेता दिक्षा अवस्थी पोल्याण्ड उडेकी छिन्।
पोल्याण्डमा हुने मिस सुप्रानेसनलमा नेपालको प्रतिनिधित्व गर्न उनी सोमबार बिहान त्यसतर्फ प्रस्थान गरेकी हुन्।
त्रिभुवन अन्तर्रराष्ट्रिय विमानस्थलबाट नेपालको झण्डा ओडयाउँदै उनलाई बिदाई गरिएको थियो। ९ देखी २७ जुनसम्म हुने प्रतियोगितामा दिक्षाले नेपालको प्रतिनिधित्व गर्नेछिन्।
नेपालको प्रतिनिधित्व गरेर जान पाउँदा निकै खुसी लागेको उनले बताइन्।
उनले भनिन्, 'एकदम खुसी लागेको छ। विश्वका ७० बढी देशहरूबाट सहभागीताका लागी आउनुहुनेछ। त्यो ठूलो स्टेजमा नेपालबारे सबैलाई चिनाउनेछु।'
मिस सुप्रानेसनलमा नेपालले राम्रो स्थान हासिल गर्ने विश्वास रहेको मिस्टर एण्ड मिस नेसनलका राष्ट्रिय आयोजक डाक्टर सन्तोष उपाध्यायले बताए।
