काठमाडौं महानगरपालिकाका मेयर बालेन शाहले फिल्म 'लाज शरणम्' का लागि गीत गाएका छन्।
र्यापर समेत रहेका बालेनले 'नेपाल हाँसेको' बोलको गीत गाएका हुन्। उनकै शब्द, कम्पोज र र्याप रहेको यो गीत सोमबार दिउँसो सार्वजनिक हुँदैछ।
यसलाई फिल्मको निर्माण टिमले 'प्रमोसनल सङ' का रूपमा दर्शकमाझ ल्याउन लागेको हो।
फिल्म 'लाज शरणम्' हास्य सिरियल 'सक्किगोनि' टिमले निर्माण गरेको हो।
कुमार कट्टेलको निर्देशन रहेको फिल्ममा सीताराम कट्टेल, विजय बराल, अर्पण थापा, सागर लम्साल, हरि निरौला, मुकुन्द श्रेष्ठ, विजय लामा, अर्जुन घिमिरे, कमलमणि नेपाल, महेश त्रिपाठी लगायतको अभिनय छ।
फिल्म फागुन १४ गतेदेखि प्रदर्शनमा आउने तयारीमा छ।
