छायांकनमा रहेको फिल्म 'हरिबहादुरको जुत्ता' को प्रदर्शन मिति घोषणा गरिएको छ।
दीपेन्द्र के. खनाल निर्देशित यो फिल्म आगामी दसैंमा प्रदर्शनमा आउने भएको हो।
फिल्म दसैंको फूलपातिमा रिलिज हुने तय भएको निर्माता सरोज ओलीले जानकारी दिए।
हाल काभ्रेको पनौती क्षेत्रमा छायांकन भइरहेको यो फिल्ममा हरिवंश आचार्य, प्रकाश सपुत, स्वस्तिमा खड्का, प्रियंका कार्की, मुरलीधर, किरण केसी लगायतको अभिनय रहनेछ।
हरिवंश आचार्यको कथा रहेको यो फिल्मको निर्मातामा सरोज ओलीसँगै मोहितवंश आचार्य छन्।
