युवापुस्तामाझ चर्चित गायक एकदेव लिम्बुको पछिल्लो गीत 'झिम झिमाउने आँखा' निकै रूचाइएको छ।
यो गीतलाई तीन सातामै युट्युबमा १ करोडभन्दा बढी पटक हेरिएको छ।
गायक लिम्बुको शब्द, संगीत तथा गायन रहेको गीत रिलिज हुनासाथ लोभलाग्दो भ्युजसहित युट्युब ट्रेन्डिङको शीर्षस्थानमा उक्लिएको थियो।
युट्युबमा यो गीत अझै नेपाल ट्रेन्डिङको संगीत खण्डतर्फ शीर्षस्थानमा यथावत छ।
यसको भिडिओमा एकदेव लिम्बुसहित दिकिला शेर्पा र उपासनासिंह ठकुरी फिचर्ड छन्।
लोसिना शाक्यको कोरियोग्राफी, सृष्टि राई र समस्ती राईको निर्देशनमा भिडिओ बनेको हो।
एकदेवका यसअघि पनि थुप्रै गीत चर्चित छन्। 'क्या राम्री, तिम्रो मुटुमा, आ है, लैलै, शिरफूल २' लगायत गीतहरू स्रोता दर्शकले रूचाएका छन्।
भिडिओः
