कान्तिपुर फिल्म एकेडेमी र टोपी स्टुडियोजको निमार्ण रहेको नेपाली वेब सिरिज 'ब्रह्माण्ड' को टिजर सार्वजनिक भएको छ।
टिजर नेपाली, अंग्रेजी र हिन्दी गरी तीन भाषामा सार्वजनिक गरिएको हो। आठ भागमा निर्माण भएको सिरिजको प्रत्येक भाग एक-एक घण्टाको हुनेछ।
ओटिटी प्लेटफर्मको लागि आवश्यक अन्तर्राष्ट्रिय मापदण्ड पुरा गर्दै यो सिरिज बनाइएको निर्माण पक्षले जनाएको छ।
रियाज नाटक्कारले निर्देशन गरेको वेब सिरिजमा अर्पण थापा, सुनिल थापा, भोलाराज सापकोटा, निशा अधिकारी, राजन खतिवडा, सरिता गिरी, माओत्से गुरुङ, सुरज विष्ट, सुप्रज्ञा शर्मा, सञ्जय ढुंगानालगायत कलाकारको अभिनय छ। कान्तिपुर फिल्म एकेडेमीका सुप्रज्ञा र सञ्जय यसै सिरिजबाट डेब्यु गर्दैछन्।
पुरूषोत्तम प्रधानले छायांकन गरेको सिरिजलाई सुरेन्द्र पौडेलले सम्पादन गरेका हुन्।
यसअघि कान्तिपुर फिल्म एकेडेमीले 'मिस स्कार्लेट' नामक सिरिज निर्माण गरेको थियो।
'ब्रह्माण्ड' को नेपाली टिजर:
'ब्रह्माण्ड' को अंग्रेजी टिजर:
'ब्रह्माण्ड' को हिन्दी टिजर:
