एआइजी सिफारिसमा चित्त नबुझेर पुनरावलोकन समितिमा उजुरी गएपछि मेरा विरुद्व पनि केहि टिकाटिप्पणी भइरहेका छन्। विभिन्न विचार र दृष्टिकोण बोकेका मानिसहरुको समाजमा भिन्न मत व्यक्त हुनु स्वभाविक क्रिया हो।
प्रहरी प्रधान कार्यालय र अख्तियार दुरुपयोग अनुसन्धान आयोगले दण्ड गरेको थियो भन्ने सूचना पनि प्रभाव भइरहेको थियो।
यस्तो अवस्थामा पाठकहरुलाई वास्तविकताबारे जानकारी गराउनु मेरो कर्तव्य ठानेर केहि तथ्यहरु उल्लेख गर्दैछुः
उपत्यका ट्राफिक कार्यलयले मापसे चेकजाँचलाई कडिकडाउका साथ लागू गराएपछि आम जनमानसको समर्थन मिलेको थियो। तर, होटल, रेष्टुरेन्ट, बार लगायत नाइटलाइफ व्यवसाय संचालन गर्नेहरु स्वभाविक रुपमा मसँग खुसी थिएनन।
नगर विकासको अधिकार क्षेत्र भएपनि सडक विस्तारमा हामीले पनि अगुवाइ गरेका थियौं। त्यसबाट असर पर्नेहरु पनि म सँग खुसी थिएनन।
अर्कातिर संगठनभित्रकै 'मै हुँ' भन्ने केही साथीहरुलाई पनि मैले जस पाएको चित्त बुझेको थिएन।
मेरो ७६ वर्षको बुवालाई क्यान्सर देखियो। थप उपचारका लागि म उहाँलाई लिएर राजीव गान्धी क्यान्सर अस्पताल नयाँदिल्ली गएँ। यता म सँग चिढिएकाहरु सक्रिय भएछन्।
प्रहरी प्रधान कार्यालयमा चौतर्फी दबाब परेपछि उपत्यका ट्राफिकमा छापा मारिएछ।
मापासे कारबाहीका क्रममा नक्कली रसिद दिएर राजस्व हिनामिना गर्यो भन्ने आरोपमा छापा मारिएछ। म दिल्लीमै छदाँ नै ट्राफिकको हिसावकिताव सम्बन्धि सवै कागजपत्र सिलबन्दी भएको रहेछ। आमा बुवालाई दिल्लीमा छाडेर फर्केर आउनुपर्ने बाध्यता भयो।
'नखाएको विष लाग्दैन' भन्नेमा मेरो अन्तरमन ढुक्क थियो। तैपनि मेरो बदनामी गर्ने प्रपन्चका लागि यो छापा काफी थियो।
म काठमाडौं आएको दिन सरासर आइजीपीलाई भेट्न गएँ। आपत्ति प्रकट गरे। र पत्रकार सम्मेलन गर्ने अनुुमति मागेँ।
'मैले कुनै गल्ती गरेको भए जस्तोसुकै कारबाही सहन तयार छुँ,' मैले चुनौती दिए ' यो मेरा विरुद्द रचिएको षडयन्त्र मात्र हो।'
हेडक्वार्टरले महिना दिन लगाएर सबै कागजपत्रको चेकजाँच गर्यो। रसिद र राजस्वको अंक ठ्याक्कै मिल्यो। मैले सफाइ पाए। मेरो कुनै गल्ती नदेखेरै तत्कालिन प्रहरी र गृहमन्त्रालय नेतृत्वले थप सात महिना ट्राफिक प्रमुखमै राखेको होला।
मेरो कार्यकालमा उठेको राजस्व रकम पनि मेरो कार्यक्षमताको प्रमाण हो। मेरा पूर्ववर्तीले भन्दा मैले झण्डै चारगुणा बढी राजस्व उठाए। तीनकरोड रुपैयाँ चानचुनबाट बढेर मेरो पालामा १२ करोड राजस्व संकलन भयो।
ट्राफिकमा बस्दा मलाई कुनै कारबाही भएन भन्ने अर्को प्रमाण मैले राष्ट्रपतिबाट विभुषण पाउनु पनि हो। प्रहरी प्रधान कार्यालयले कारबाही त परको कुरा एउटा स्पष्टिकरण मात्र सोधेको भए गृहमन्त्रालयले मेरो नाम तक्माका लागि सिफारिस गर्देनथ्यो होला।
अख्तियार दुरुपयोग अनुसन्धानबाट पनि मलाई कुनै किसीमको कारबाही भएको छैन भन्ने पनि म प्रष्ट पार्न चाहन्छु। जरिवाना, बढुवा रोक्का वा सचेत पत्र त परको कुरा डिआइजीको कार्यकालमा एउटा पनि दाग लागेको छैन।
जहाँसम्म आरोप प्रत्यारोपको कुरा छ। त्यसलाई भने मैले अस्वभाविक ठानेको छैन। जोखिम उठाएर काम गर्ने मान्छेले 'नाम पनि कमाउँछ शत्रु पनि कमाउँछ, जस पनि पाउँछ अपजस पनि पाउँछ' भन्नेमा म प्रष्ट छुँ।
यो पनि,
