गणेश ‘इनर्जेटिक’ प्रहरी अधिकृत हुन्। मेरै पालमा उपत्यका ट्राफिक प्रमुखमा लगेको हो। ‘उपेन्द्र, राजेन्द्र, सुरेन्द्र, विज्ञान मात्र आइजिपीका उम्मेदवार हैनन्,’ मैले गणेशलाई प्रोत्साहित गरेर पठाएको थिए, ‘राम्ररी काम गर तिमी पनि आइजी हुनसक्छौ ।’
गणेशले चलिअएको काम मात्र धानेनन्। लाएअह्राएको गरेर मात्र चित्त बुझाएनन्। सडक विस्तार र मापसे जाँच दुवैमा अग्रसरता लिए। यी दुवै अभियानमा सुरुमा उनैले पहल लिएका हुन्।
संगठन प्रमुखको हिसावले मैले गणेशलाई हौस्याए । मापसे जाँच्न ब्रेथलाइजर मेशिन मगाउनेदेखि सारा काममा हडक्वार्टरले तदारुकताका साथ सहयोग गर्यो ।
सेतोपाटीको समाचारको आसय जस्तो मेरो भिन्न दवावका बाबजुद उनले यी अभियान अघि बढाएका हैनन् ।
म स्पष्ट पार्न चाहन्छु, ‘उपत्यका ट्राफिकको डिआइजीले आइजिपीको सहयोग बिना कुनै चुनौतीपूर्ण काम गर्न सक्दैन ।’
गणेशले काठमाडौंबाट मापसे जाँच सुरु गरेपनि हेडक्वार्टरले यसलाई देशव्यापी बनायो । त्यसैले यी दुवै कामको अभिभावकत्व प्रहरी नेतृत्वले लिएको थियो भन्नेमा प्रष्ट हुन जरुरी छ ।
मापसे मात्र हैन सडक विस्तार पनि प्रहरीको पहलमा भएको हो । प्रधानमन्त्री वावुराम भट्टराईलाई ‘सडक चौडा गरौं’ भनेर हामीले नै भनेका हौं ।
मापसे जाँच आइजिपीले नचाहेको भए रोकिन्थ्यो । बरु उपत्यका ट्राफिकको डिआइजीले चाहेर रोकिने वा चल्ने हुन सक्दैन । कार्यान्वयन गर्ने निकायको हैसियतले कुनै पनि कार्यक्रम प्रभावकारी बनाउने नबनाउनेमा भने ट्राफिक प्रहरीको महत्वपूर्ण भूमीका रहन्छ ।
सानोतिनो कमजोरी धेरै मानिसको हुन्छ । गणेशको पनि केहि थिए होलान् । दुईवटा अभियानमा त्यति राम्रो काम गरेको डिआइजी सात जानाको बढुवा सिफारिशमा नपर्नु जायज हैन ।
गणेशलाई अन्याय परेको छ ।