भारतीय टी-२० टोलीका कप्तान सूर्यकुमार यादवले भारत र पाकिस्तानबीचको भिडन्तलाई अब 'प्रतिद्वन्द्विता' भन्न नमिल्ने बताएका छन्। भारतले पाकिस्तानलाई एसिया कप टी-२० क्रिकेट प्रतियोगिताअन्तर्गत सुपर-४ को खेलमा ६ विकेटले पराजित गर्यो।
यसअघि समूह चरणमा पनि भारतले सहज जित निकाल्ने क्रममा पाकिस्तनमाथि ७ विकेटको जित हात पारेको थियो।
‘मलाई लाग्छ अब यो प्रतिस्पर्धाको बारेमा प्रश्न सोध्न बन्द गर्नुपर्छ,’ उनले भने। तर, उनलाई प्रश्न प्रतिस्पर्धाबारे नभई स्तरबारे भएको याद दिलाएपछि उनले भने, ‘स्तर र प्रतिस्पर्धा उस्तै हुन्। मेरो विचारमा, यदि दुई टोलीले १५-२० खेल खेले र हेड-टु-हेड ७-७ वा ८-७ भयो भने, त्यसलाई प्रतिस्पर्धा भनिन्छ। तर १३-०, १०-१ मलाई तथ्याङ्क थाहा छैन। तर यो अब प्रतिस्पर्धा होइन। तर हो, मलाई लाग्छ हामीले उनीहरूभन्दा राम्रो क्रिकेट खेल्यौँ।’
सूर्यकुमारले खेलको टर्निङ प्वाइन्ट पाकिस्तानको इनिङ्सको डिंग्स ब्रेक भएको बताए। त्यतिबेला पाकिस्तान १० ओभरमा ९१ रनमा १ विकेट गुमाएको अवस्थामा थियो। यो भारतविरुद्ध टी-२० अन्तर्राष्ट्रियमा उनीहरूको सबैभन्दा १० ओभरको उच्च स्कोर थियो।
यही बिन्दुमा अम्पायरहरूले ड्रिंक्स ब्रेकको लागि बोलाउँदा सूर्यकुमारले आफ्नो टोलीलाई एकजुट गरे। त्यसपछि भारतले पाकिस्तानलाई रोक्न सफल भयो, भारतले अर्को सात ओभरमा मात्र ३८ रन दियो – जुन यस प्रतियोगितामा १०-१७ ओभरको बीचमा ब्याटिङ गरेका टोलीहरूको लागि सबैभन्दा कम स्कोर हो।
‘मेरो विचारमा, टर्निङ पोइन्ट पहिलो इनिङ्सको पहिलो ड्रिंक्स ब्रेकमा थियो,’ सूर्यकुमारले भने, ‘त्यसपछि खेलाडीहरूको बडी ल्याङ्ग्वेज परिवर्तन भयो। पावरप्लेपछि खेल परिवर्तन भएको भयो।’
-1746009348.jpg)
