फ्रान्सको शीर्ष डिभिजनको महिला लिग खेलिरहेकी नेपाली राष्ट्रिय टोलीकी स्ट्राइकर सावित्रा भण्डारी साम्बाले सिजनको अन्तिम खेलमा ह्याट्रिक गरेकी छिन्।
साम्बाले बुधबार घरेलु मैदानमा भएको खेलमा एन अभान्ट ग्वेङगाम्पका लागि ह्याट्रिक पूरा गरेकी हुन्।
उनले सन्ट इटियनविरूद्धको खेलमा ह्याट्रिक पूरा गरेका हुन्। खेलमा ग्वेङगाम्प ३-२ गोलले विजयी भयो।
खेलमा साम्बाले ५७, ८५ र ९०+४ मिनेटमा गोल गरिन्। त्यसअघि ५४ मिनेटमा इटियनकी पियरी लुइसले पहिलो गोल गर्दा ६१ मिनेटमा कनेक्सनले दोस्रो गोल गरिन्।
साम्बाले पहिलो सुरुवाती दुवै गोलमार्फत खेललाई बराबरीमा ल्याउँदा ह्याट्रिक गर्दा टोलीले जित निलाल्यो।
साम्बाले टोलीका लागि पहिलो ह्याट्रिक गरेकी हुन्। यो सिजन यसअघि साम्बाले पिएसजीविरूद्ध दुई गोल गरेकी थिइन्।
सिजनको फ्रेञ्च महिला लिगमा अन्तिममा रहदै रेलिगेसनमा परेको ग्वेङगाम्पले २२ खेलमा ३ जित मात्र निकाल्न सक्यो। १२औं स्थानमा रहेर रेलिगेसनमा परेको उसले अब अर्को सिजन दोस्रो डिभिजनको लिग खेल्नेछ।
