सुर्खेत जिल्ला फुटबल संघको विशेष साधारण सभाले अध्यक्ष रविन्द्र चन्दविरुद्ध अविश्वास प्रस्ताव पारित गर्दै उनलाई पदमुक्त गरेको छ।
सातदोबाटोस्थित एन्फा कम्प्लेक्समा सम्पन्न साधारण सभाले उक्त प्रस्तावलाई १२–० को मतले सर्वसम्मत रूपमा अनुमोदन गरेको हो।
सो निर्णयपछि दिलीप बस्याललाई संघको नयाँ अध्यक्षमा निर्वाचित गरेको छ।
उक्त बैठक १२ क्लबका प्रतिनिधिमध्येका एक शरद भण्डारीको अध्यक्षतामा सम्पन्न भएको थियो।
एन्फा कार्यसमिति सदस्यहरू अनिल मल्ल र भरत बुढ थापा पनि सो अवसरमा उपस्थित थिए।
अविश्वास प्रस्ताव गत डिसेम्बर १६ मा १४ क्लबहरूले दर्ता गरेका थिए, जसमा अध्यक्ष चन्दको नेतृत्वमा प्रश्न उठाउँदै विशेष साधारण सभा बोलाउन माग गरिएको थियो।
-1742801159.jpg)
