नेपाल सुपर लिग (एनएसएल) मा उपविजेता बनेको पोखरा थण्डर्सले इन्डियन सुपर लिग (आइएसएल) का टोलीसँग प्रतिस्पर्धा गर्ने भएको छ।
पोखराले दुई वटा टोलीसँग मैत्रीपूर्ण खेल खेल्ने र टोलीको नाम छिटै सार्वजनिक गर्ने पोखरामा आयोजित एक कार्यक्रममा जानकारी दिएको हो।
गत शनिबार दशरथ रंगशालामा भएको एनएसएल फाइनलमा पोखरालाई ललितपुर सिटी एफसीले पराजित ग गर्दै उपाधि जितेको थियो।
उपवजेता बनेको पोखरालाई पोखरा महानगरपालिकाले मंगलबार एक कार्यक्रमको आयोजना गर्दै सम्मान गरेको थियो।
महानगरपालिकाका प्रमुख धनराज आचार्य लगायतले टोलीलाई सम्मान गरेका हुन्।
नगर प्रमुख आचार्यले अर्को सिजनमा पोखरा थन्डर्सले प्रतियोगिताको तयारी पोखरा रंगशालामामा गर्नको लागि महानगरले सम्पूर्ण ब्यवस्थापन गर्ने प्रतिबद्धता जनाएका थिए।
