नेपाल सुपर लिग (एनएसएल) फ्रेञ्चाइज फुटबल प्रतियोगिताका लागि काठमाडौं रेजर्स एफसीको प्रशिक्षकमा बेल्जियन नागरिक प्याट्रिक डे विल्डे नियुक्त भएका छन्।
उनी अर्को महिना हुने प्रतियोगिताका लागि काठमाडौंको प्रशिक्षक नियुक्त भएको टोलीले सार्वजनिक गरेको छ।
६० वर्षीय विल्डेसँग १९ वर्ष व्यवसायिक फुटबल प्रशिक्षण गराएको अनुभव छ। उनी सन् २०२३ मा रावान्डाको मुख्य प्रशिक्षक थिए भने अर्को वर्ष सोमालियको प्रशिक्षक नियुक्त भएका थिए।
त्यसअघि विल्डेले चीनको यू-२३ टोलीको प्रशिक्षक भएर काम गरेका थिए।
सन् २००६ देखि बेल्जियन क्लबको प्रशिक्षक भएर करिअर सुरु गरेका उनीले अस्ट्रियाको रेड बुल साल्जवर्गको युथ टोली समेत रहेका थिए।
यस्तै उनले अल्जेरियाको राष्ट्रिय टोलीको सहायक प्रशिक्षक भएर पनि काम गरेका थिए।
काठमाडौंको मार्की खेलाडीमा रोहन कार्की छन्। सात टोलीबीच हुने प्रतियोगिता चैत तेस्रो सातादेखि सुरु हुँदैछ।
