युरोपियन च्याम्पियन्स लिगअन्तर्गत अन्तिम १६ को प्लेअफ खेलमा साविक विजेता रियल म्याड्रिडले इंग्लिस च्याम्पियन म्यानचेस्टर सिटीलाई पराजित गरेको छ।
मंगलबार राति सिटीको मैदानमा भएको पहिलो लेगको खेलमा रियल ३-२ गोलले विजयी भयो। खेलमा सिटीले दुई पटक अग्रता लिए पनि जोगाउन सकेन।
खेलको १९ मिनेटमा हाल्यान्डको गोलबाट सिटीले खेलमा अग्रता लियो। ६० मिनेटमा रियलका लागि केलियन एमबाप्पेले बराबरी गोल फर्काउन सफल भए।
फेरि ८० मिनेटमा हाल्यान्डले नै पेनाल्टीबाट गोल गर्दा सिटीले २-१ को अग्रता लियो। रियलले ८६ मिनेटमा डियाजको गोलबाट बराबरी गर्न सफल भयो।
रियलले रोमाञ्चक जित निकाल्ने क्रममा दोस्रो हाफको इन्जुरी समयमा गोल गर्यो। उसका लागि बेलिङघमले ९०+२ मिनेटमा गोल गरेका थिए।
प्लेअफको दोस्रो लेग अब फेब्रुअरी १९ मा रियलको मैदानमा हुनेछ।
पहिलो लेगमा रियलसँगै पिएसजी, युभेन्ट्स र बोरुसिया डर्टमन्ड विजयी भएका छन्। पिएसजीले ब्रेस्टलाई ३-०, युभेन्ट्सले पिएसभीलाई २-१ र डर्टमन्डले स्पोर्टिङ लिस्बनलाई ३-० गोलले पराजित गरेका छन्।
