चर्च ब्वाइज युनाइटेड आहा रारा पोखरा गोल्डकपको सेमिफाइनलमा प्रवेश गरेको छ।
सोमबार पोखरा रंगशालामा भएको तेस्रो क्वार्टरफाइनलमा चर्च ब्वाइजले डिफेन्डिङ च्याम्पियन त्रिभुवन आर्मी क्लबलाई १-० गोलले पराजित गर्दै अन्तिम चारमा स्थान पक्का गरेको हो।
चर्च ब्वाइजको जितमा राज भुसाल नायक सावित भए। उनले खेल सकिन एक मिनेट बाँकी छदा गोल गर्दा चर्च ब्वाइजले रोमाञ्चक जित निकाल्न सफल भयो।
भुसालले नवीन लामाको कर्नर बलमा हेडमार्फत गोल गरेका थिए।
अब सेमिफाइनलमा चर्च ब्वाइजले पर्सी बुधबार नेपाल पुलिस क्लबसँग प्रतिस्पर्धा गर्नेछ।
अब भोलि अन्तिम क्वार्टरफाइनलमा थन्डरबोल्ट्स नर्थ युनाइटेड र ब्याक बुल्स एफसी भिड्नेछन्। यो खेलको विजेताले सेमिफाइनलमा थ्रीस्टारसँग खेल्नेछ।
