चीनको नयाँ वर्षको अवसरमा अखिल नेपाल फुटबल संघ (एन्फा)को आयोजना र नेपालस्थित चिनियाँ दूतावासको सहकार्यमा आगामी फागुन ३ गते (शनिबार) युवा मैत्रीपूर्ण फुटबल खेल हुँदैछ।
त्रिपुरेश्वरस्थित दशरथ रंगशालामा हुने उक्त खेलमा नेपाली युवा टोली र चीनको युनान प्रान्तको युवा फुटबल टोलीले सहभागीता रहने छ।
मैत्रीपूर्ण खेलका लागि नेपाली टोलीका प्रमुख प्रशिक्षक राजेश शाहीको नेतृत्वमा ४५ सदस्यीय खेलाडीहरू हाल बन्द प्रशिक्षणमा रहेका छन्।
यस खेलको प्रविधिक पक्षको सबै जिम्मेवारी एन्फाको रहनेछ। खेलसम्बन्धि अन्य जिम्मेवारी (मार्केटिङ, बोडकास्टिङ, टिकेटिङ, सास्कृतिक कार्यक्रम) नेपालस्थित चीनको दूतावासको रहनेछ।
मैत्रीपूर्ण खेलको अनुमानित बजेट ३८ लाख ९० हजार रूपैयाँ रहेको छ।
