सिजनको युइएफए युरोपियन च्याम्पियन्स लिगको प्लेअफ ड्र सार्वजनिक गरिएको छ। लिग चरणमा नवौं देखि २४औं स्थानमा रहेको १६ टोलीमध्ये एकआपसमा भिड्ने गरी ड्र गरिएको छ।
जसअनुसार स्पेनिस क्लब रियल म्याड्रिड र इंग्लिस क्लब म्यानचेस्टर सिटी प्लेअफमै भिड्ने भएका छन्।
दुई लेगको खेलपछि अघि रहने टोली अन्तिम १६ मा पुग्नेछ। यससँगै अब सिटी वा रियल मध्ये एक टोली अन्तिम १६ मा नपुग्दै बाहिरिने भएको छ।
सिटी र रियलबीचको खेलको विजेताले अन्तिम १६ मा एट्लेटिको म्याड्रिड वा बायर लेभरकुसेनमध्ये एक टोलीसँग भिड्नेछ।
प्लेअफ ड्र
पिएसजी भर्सेस ब्रेस्ट
एटलान्टा भर्सेस क्लब ब्रुर्ग
म्यानचेस्टर सिटी भर्सेस रियल म्याड्रिड
युभेन्ट्स भर्सेस पिएसभी
एसी मिलान भर्सेस फेयेनुर्ड
बार्यन म्युनिख भर्सेस सेल्टिक
स्पोर्टिङ सिपी भर्सेस बोरुसिया डर्टमुन्ड
मोनाको भर्सेस बेन्फिका
नयाँ स्वरूपको च्याम्पियन्स लिगको लिग चरणमा ३६ टोलीले आठ-आठ खेल खेल खेलेपछि नकआउट चरणमा पुग्ने २४ टोलीको टुंगो लागेको थियो।
जसमा ८ टोली सिधै अन्तिम १६ मा पुगे। १६ टोलीले भने अन्तिम १६ का लागि प्लेअफ खेल्दैछन्। १२ टोली बाहिरिए।
अन्तिम १६ मा इंग्ल्यान्डका तीन टोलीले स्थान पक्का गरेका छन्। यस्तै इंग्ल्यान्डको थप एक टोलीले प्लेअफमा स्थान बनाएको छ। जसका कारण च्याम्पियन्स लिगको लिग चरण खेलेका इंग्ल्यान्डका चारै टोली नकआउट चरणमा पुग्न सफल भएका छन्।
नकआउट चरणको प्ले-अफ खेलहरू फेब्रुअरी ११/१२ र १८/१९ मा आयोजना हुनेछन्।
राउन्ड अफ १६ का खेलहरू मार्च ४/५ र ११/१२ मा हुनेछन्।
यस्तै क्वार्टरफाइनलको पहिलो लेग ८/९ अप्रिल तथा दोस्रो लेग १५/१६ अप्रिलमा हुनेछन्।
सेमिफाइनलको पहिलो लेग पहिलो लेग २९/३० अप्रिल तथा दोस्रो लेग ६/७ मेमा हुनेछ।
यो सिजनको फाइनल मे ३१, २०२५ मा जर्मनीको म्युनिखस्थित एलियान्ज एरिनामा हुनेछ।
शीर्ष आठमा पर्दै अन्तिम १६ मा पुगेका ८ टोलीहरू
लिभरपुल, बार्सिलोना, आर्सनल, इन्टर मिलान, एट्लेटिको म्याड्रिड, बायर लेभरकुसेन, लिल, एस्टन भिल्ला
९ देखि २४ भित्र परेर प्लेअफ खेल्न १६ टोलीहरू
एटलान्टा, बोरुसिया डर्टमन्ड, रियल म्याड्रिड, बायर्न म्युनिख, एसी मिलान, पिएसभी, पिएसजी, बेन्फिका, मोनाको, ब्रेस्ट, फेयेनुर्ड, युभेन्टस, सेल्टिक, म्यानचेस्टर सिटी, स्पोर्टिङ सीपी, क्लब ब्रुग
शीर्ष २४ मा पर्न नसकेर बाहिरिएका १२ टोली
डाइनामो जग्रेब, स्टुटगार्ट, शाख्तर डोनेट्स्क, बोलोग्ना, रेड स्टार बेलग्रेड, स्टर्म ग्राज, स्पार्टा प्राग, लाइपजिग, जिरोना, रेड बुल साल्जबर्ग, स्लोभान ब्राटिस्लाभा, योङ ब्वाइज।
