स्पेनिस ला लिगमा रियल म्याड्रिडले रियल भालडोलिडलाई ३-० गोलले पराजित गर्दा केलियन एमबाप्पेले ह्याट्रिक गरेका छन्।
उनले खेलको ३० र ५७ ले गोल गर्दा ९०+१ मिनेटमा पेनाल्टीमार्फत् गोल गरेर ह्याट्रिक गरे।
अन्तिम मिनेटमा भालडोलिड १० खेलाडीमा सीमित बन्यो। उसका मारियो मार्टिन दोहोरो पहेँलो कार्ड पाउँदै बाहिरिए।
जितसँगै रियलले शीर्ष स्थानमा चार अंकको अग्रता लिएको छ।
एमबाप्पेले यस सिजनमा १५ लिग गोल गरेका छन् भने बार्सिलोनाका रोबर्ट लेवान्डोव्स्की (१६) भन्दा पछि छन्। एमबाप्पेले सबै प्रतियोगिताहरूमा २२ गोल गरेका छन्।
शनिबार एट्लेटिको म्याड्रिडले बराबरी खेलेको छ। अंक तालिका रियलले २१ खेलबाट ४९ अंक जोडेको छ। दोस्रो स्थानको एट्लेटिकोको ४५ अंक छ भने एक खेल कम खेलेको तेस्रो स्थानको बार्सिलोनाको ३९ अंक छ।
