एन्फा महिला लिगअन्तर्गत सुपर स्टेजमा सशस्त्र प्रहरी बलको नेपाल एपिएफ क्लबले आठै खेलमा जित निकालेको छ।
यसअघि शीर्ष स्थानमा हरेर प्लेअफमा स्थान पक्का गरेको एपिएफले बुधबार भएको खेलमा त्रिभुवन आर्मी क्लबलाई २-१ गोलले पराजित गर्यो।
एपिएफको जितमा २३ मिनेटमा रश्मीकुमारी घिसिङले पहिलो गोल गरिन्। ३८ मिनेटमा अनिता बस्नेतले एपिएफको अग्रता दोब्बर पारेकी थिइन्।
आर्मीका लागि अमिसा कार्कीले ८३ मिनेटमा गोल गरे पनि सो गोल खेलमा फर्कन पर्याप्त हुन सकेन।
यससँगै सुपर स्टेजको लिग चरणका खेल सकिएका छन्। अब प्लेअफको पहिलो क्वालिफायरमा आर्मी र एपिएफ नै भिड्नेछन्। एलिमिनेटरमा नेपाल पुलिस क्लब र बागमती युवा क्लबबीच प्रतिस्पर्धा हुनेछ।
