कारबाओ कपको सेमिफाइनल खेलमा आर्सनल पराजित भएको छ।
गएराति भएको सेमिफाइनलको पहिलो लेगमा आर्सनल न्यूकासलसँग पराजित भएको हो।
घरेलु मैदानमा आर्सनलले ०-२ को हार ब्यहोर्यो।
३७ मिनेटमा एलेक्जेन्डर इशाकको गोलमा न्यूकासलले सुरूवाती अग्रता लिएको थियो।
५१ मिनेटमा एन्थोनी गोर्डनले अग्रता दोब्बर पारे।
त्यसपछि दुवै टोलीबाट गोल हुन नसक्दा आर्सनल २-० गोलले पहिलो लेगमा पछि परेको हो।
दोस्रो लेग फेब्रुअरी ६ मा न्यूकासलको मैदानमा हुनेछ।
