स्पेनिस ला लिगाअन्तर्गत म्याड्रिड डर्बी बराबरीमा सकिएको छ। एट्लेटिको मैदानमा भएको खेल एक एक गोलको बराबरीमा सकिएको हो।
मिलिटाओले ६४ मिनेटमा गरेको गोलबाट रियलले अग्रता लिएको थियो। तर एट्लेटिकोका लागि कोरिआले दोस्रो हाफको इन्जुरी समयको पाँचौ मिनेटमा बराबरी गोल फर्काए।
लिगको अंक तालिकामा बार्सिलोना ८ खेलबाट २१ अंक जोड्दै शीर्ष स्थानमा छ। दोस्रो स्थानको रियलको १८ अंक र तेस्रो स्थानको एट्लेटिकोको १६ अंक छ।
