सिजनको युरोपा लिगमा टोटेनहमले विजयी सुरूवात गरेको छ।
उसले १० खेलाडीमा सीमित हुनुका वाबजुद अजरबैजानको क्याराबागलाई ३-० गोलले पराजित गर्यो।
टोटेनहम सातौं मिनेटमै १० खेलाडीमा सीमित बन्यो।
उसका ड्रागुइसिनले क्याराबागका जुनिन्होलाई लडाएपछि सिधा रातो कार्ड दिइएको थियो।
त्यसपछि टोटेनहमले १२ मिनेटमा जोनसनको गोलबाट अग्रता लियो। सारले ५२ मिनेटमा दोस्रो गोल गर्दा सोलांकेले ६८ मिनेटमा तेस्रो गोल गरे।
लिगमा अयाक्सले बेसिटसलाई ४-० गोलले पराजित गरेको छ।
