इंग्लिस प्रिमियर लिगमा चेल्सी र लिभरपुलले सहज जित निकालेका छन्।
शनिबार भएको खेलमा चेल्सीले वेस्ट ह्याम युनाइटेडलाई ३-० गोलले पराजित गर्यो।
चेल्सीको जितमा निकोलास ज्याकसनले दुई गोल गरे। उनले खेलको चौथो र १८ मिनेटमा गोल गरेका थिए।
यस्तै कोल पाल्मरले ४७ मिनेटमा तेस्रो गोल गरे।
अर्को खेलमा लिभरपुलले वर्नमाउथलाई पनि ३-० गोलले नै पराजित गर्यो।
लिभरपुलका लागि लुइस डियाजले दुई गोल गरे। उनले खेलको २६ र २८ मिनेटमा गोल गरेका थिए।
यस्तै डार्विन नुनेजले ३७ मिनेटमा अर्को गोल गरे।
लिगको अंक तालिकामा लिभरपुल शीर्ष स्थानमा उक्लिएको छ। उसको ५ खेलबाट १२ अंक भएको छ। चार खेलबाट १२ अंक जोडेको म्यानचेस्टर सिटी दोस्रो स्थानमा छ। यता चेल्सी ५ खेलबाट १० अंक जोडेर चौथो स्थानमा उक्लिएको छ।
