युइएफए नेसन्स लिगमा जर्मनीले हंगेरीलाई ५-० गोलले पराजित गरेको छ।
शनिबार राति भएको समूह ए३ को खेलमा जर्मनीको जितमा पाँच फरक खेलाडी गोल गरे।
उसका लगि फुलक्रगले २७, मुसियालले ५७, विर्ट्जले ६६, पाभ्लोविकले ७७ र हाभार्ट्जले ८१ मिनेटमा गोल गरे।
यहि समूहको अर्को खेलमा नेदरल्यान्ड्सले बोस्निया एन्ड हर्जगोभिनालाई ५-२ गोलले पराजित गर्यो।
यो समूहमा जर्मनी र नेदरल्यान्ड्सले विजयी सुरुवात गरेका हुन्।
यता समूह बी२ को खेलमा इंग्ल्यान्डले आयरल्यान्ड गणतन्त्रलाई २-० गोलले हराएको छ।
इंग्ल्यान्डका लागि राइसले ११ र ग्रेलिसले २६ मिनेटमा गोल गरे।
