स्पेन युरोकप फुटबलको क्वाटरफाइलनलमा पुगेको छ।
गएराति नकआउट चरणको खेलमा जर्जियालाई पराजित गर्दै स्पेनले क्वाटरफाइनल यात्रा तय गरेको हो।
क्वाटरफाइनलमा स्थान सुरक्षित गरेको स्पेनले जर्जियामाथि ४ गोल गर्यो।
स्पेनका रोबिन ले नोर्मन्डलले १८ औं मिनेटमा आत्मघाती गोल गरेपछि स्पेन ०-१ गोलले पछि परेको थियो।
३९ औं मिनेटमा रोद्रीले गोल गर्दै खेललाई बराबरीमा पुर्याएका थिए।
दोस्रो हाफमा स्पेनले ३ गोल गर्यो।
फाबियन रूइजले ५१ औं मिनेटमा, ७५ औं मिनेटमा निको विलियम्स र ८३ औं मिनेटमा ड्यानी ओल्मोले गोल गरेपछि स्पेन ४-१ को सानदार जितसँगै क्वाटरफाइनल पुगेको हो।
स्पेनले क्वाटरफाइनलमा जर्मनीसँग खेल्नेछ।
पराजित भएको जर्जिया नक आउट चरणबाट बाहिरिएको छ।
