युरोकपको साविक विजेता इटाली जारी संस्करणबाट बाहिरिएको छ।
गएराति जर्मनीको ओलम्पियास स्टाडियोनमा भएको नक आउट चरणको खेलमा स्वीटजरल्याण्डसँग पराजित भएपछि इटालीको युरोकप यात्रा सकिएको हो।
इटालीलाई पराजित गरेको स्वीट्जरल्याण्ड क्वाटरफाइनलमा प्रवेश गरेको छ।
स्वीटजरल्याण्डका रेमो फ्रेउलरले ३७ औं मिनेटमा गोल गर्दै टिमलाई अग्रता दिलाएका थिए।
दोस्रो हाफको ४६ औं मिनेटमा रूबेन भर्गसले गरेको गोल खेलमा निर्णायक बन्यो।
स्वीट्जरल्यान्डले अब सेमिफाइनल प्रवेशका लागि इंग्ल्यान्ड र स्लोभाकियाबीचको विजेतासँग खेल्नेछ ।
