भेनेजुयला कोपा अमेरिका फुटबलको क्वाटरफाइनलमा प्रवेश गरेको छ।
बिहीबार बिहान मेक्सिकोलाई पराजित गर्दै समूह ‘बी’को शीर्षस्थानमा रहेर भेनेजुयलाले क्वाटरफाइनलमा स्थान सुरक्षित गरेको हो।
भेनेजुयलाका लागि सोलोमन रन्डनले ५७ औं मिनेटमा गरेको गोल निर्णायक बन्यो।
भेनेजुयलाले पहिलो खेलमा इक्वेडरलाई २-१ गोलले पराजित गरेको थियो।
लगातार दुई जित निकाल्दै भेनेजुयलाले ६ अंक जोडेर क्वाटरफाइलनमा स्थान सुनिश्चित गरेको हो।
बिहीबार नै भएको खेलमा इक्वेडरसँग ३-० ले पराजित हुँदै जमैका एक खेलअगावै बाहिरिने निश्चित भएको छ।
सो समूहबाट क्वाटरफाइनल प्रवेश गर्ने अर्को टिमको टुंगो मेक्सिको र इक्वेडरबीचको खेलबाट लाग्नेछ। यी दुवैको अंक ३/३ छ।
