रोमानिया समूह ‘ई’ को विजेता बन्दै युरोकपको अन्तिम १६ मा प्रवेश गरेको छ। त्यस्तै उपविजेता बनेको बेल्जियम पनि अन्तिम १६ मा पुगेको छ।
गएराति स्लोभाकियासँग १-१ गोलको बराबरी खेल्दै रोमानिया अन्तिम १६ मा पुगेको हो।
स्लोभाकियाका ओन्द्रेज डुडाले २४ औं मिनेटमा गोल गरी अग्रता दिलाएका थिए। ३७ औं मिनेटमा रोमानियाले पाएको पेनाल्टीलाई राजवन मरिनले सदुपयोग गरे।
गएराती नै भएको अर्को खेलमा युक्रेनसँग गोलरहित बराबरी खेल्दै बेल्जियम अन्तिम १६ मा पुगेको छ।
स्लोभाकिया पनि तेस्रो स्थानमा रहने उत्कृष्टमध्येको चार टिममा रहेर अन्तिम १६ मा पुगेको छ।
