इंग्लिस प्रिमियर लिगमा म्यानचेस्टर युनाइटेडले वुल्भ्सलाई २-० गोलले पराजित गरेको छ।
शनिबार भएको खेलमा युनाइटेडका मार्सियलले ३२ मिनेटमा पहिलो गोल गर्दा गार्नाचोले दोस्रो हाफको इन्जुरी टाइममा दोस्रो गोल गरे।
जितसँगै अंक तालिकाको चौथो स्थानको युनाइटेडको ३५ खेलबाट ६६ अंक भएको छ। वुल्भ्स ४० अंकसहित १३औं स्थानमा छ।
यता चेल्सी र नटिघम फरेस्टले २-२ गोलको बराबरी खेलेका छन्।
चेल्सीका लागि दुवै गोल स्टर्लिङले गर्दा नटिघमका एओनियीले पनि दुई गोल गरे।
स्टर्लिङले खेलको ५१ र ५८ मिनेटमा गोल गर्दा एओनियीले १३ र ६२ मिनेटमा गोल गरे।
चेल्सी अंक तालिकामा ४३ अंक जोडेर एघारौं स्थानमा छ भने नटिघम ३४ अंकसहित १६औं स्थानमा छ।
