जर्मन बुन्डेसलिगाको च्याम्पियन वायर्न म्युनिखले अर्को जित हात पारेको छ। वायर्नले शनिबार भएको खेलमा फ्राइबर्गलाई ३-१ गोलले पराजित गर्यो।
वायर्नको जितमा किमिचले १५ मिनेटमा पहिलो गोल गर्दा बाँकी दुई गोल रोबर्ट लेवान्डोस्कीले गरे। लेवान्डोस्कीले २४ र ३७ मिनेटमा गोल गरे।
यता दोस्रो स्थानको बोरुसिया डोर्टमुन्डले तेस्रो स्थानको आरबी लाइपजिगलाई २-० गोलले पराजित गरेको छ।
डोर्टमुन्डको जितमा दुवै गोल इर्लिङ हाल्यान्डले गरेका थिए। उनले ३० मिनेट र दोस्रो हाफको इन्जुरी टाइममा गोल गरे।
लिगको उपाधि जितिसकेको वायर्नले ३२ खेलबाट ७८ अंक जोडेको छ। दोस्रो स्थानको डोर्टमुन्डको ६६ अंक हुँदा लाइपजिङको ६३ अंक छ।
-1746009348.jpg)
