प्रधानमन्त्री कप एकदिवसीय राष्ट्रिय क्रिकेट प्रतियोगितामा बागमती प्रदेशले चौथो जित निकालेको छ।
सोमबार कर्णाली प्रदेशलाई ९ विकेटले पराजित गरेपछि बागमती अंक तालिकाको चौथो स्थानमा उक्लिएको छ।
अब अन्तिम खेलमा मधेशलाई हरउन सफल भए बागमती शीर्ष चारमा रहने सम्भावना हुनेछ।
दाङको लमहीमा सोमबार टस जितेको बागमतीले फिल्डिङ रोजेपछि पहिले ब्याटिङ गरेको कर्णाली १९.१ ओभरमा ५८ रनमै अलआउट भयो।
कर्णालीका लागि सुनील धमलाले १५ रन जोडे। अरु कोही पनि ब्याटरले दोहोरो अंकमा रन बनाउन सफल भएनन्।
बलिङमा बागमतीका रिजन ढकालले ५ विकेट र सूर्य तामाङले ४ विकेट लिए। रिजनले ८.१ ओभरमा १ मेडन राख्दा १९ रन दिए। सूर्यले ७ ओभरमा २ मेडन राखे भने १७ रन खर्चिए।
५९ रनको लक्ष्य बागमतीले ६.३ ओभरमा १ विकेट गुमाएर पूरा गर्यो। बागमतीका लागि आशुतोष घिरैयाले २० बलमा नटआउट १९ रन बनाए भन इशान पाण्डेले ११ बलमा २२ रन जोडे। शुभ कंसाकारले ९ बलमा नटआउट १६ रन बनाए।
खेलमा रिजन ढकाल प्लेयर अफ दि म्याच भए।
-1742801159.jpg)
