धनगढीमा भइरहेको अर्जुन ट्रफी क्रिकेट प्रतियोगिताको उपाधिका लागि सिवाइसी अत्तरिया र फ्रेन्ड्स युथ क्लब डडेल्धुरा भिड्ने भएका छन्।
आइतबार भएको दोस्रो सेमिफाइनलमा अत्तरियाले धनगढी क्रिकेट एकेडमीलाई ६ विकेटले पराजित गर्दै डडेल्धुरासँगको उपाधि भिडन्त पक्का गरेको हो।
उपाधि भिडन्त सोमबार धनगढीको फाप्ला अन्तर्राष्ट्रिय क्रिकेट मैदानमा हुनेछ।
आइतबार फाप्लामै भएको दोस्रो सेमिफाइनलमा धनगढीले दिएको १०९ रनको सामान्य लक्ष्य अत्तरियाले ४ विकेटको क्षतिमा १८ ओभरमा पूरा गर्यो।
धनगढीको जितमा शंकर रानाले नटआउट ५६ रन र विवेक यादवले नटआउट १२ रन बनाए। त्यसअघि भीम सार्कीले १६ रन र दिपेश कँडेलले १४ रन बनाएका थिए।
बलिङमा धनगढीका हिक्मत महराले २ विकेट लिए।
त्यसअघि टस जितेर पहिले ब्याटिङ गरेको धनगढी १०८ रनमा अलआउट भयो। उसका लागि मिलन बोहराले २८ रन र अभिषेक पालले २७ रन जोडे। युएईको अन्तर्राष्ट्रिय टी-२० मा सहभागी भएर फर्किएका दीपेन्द्रसिंह ऐरीले धनगढीबाट पहिलो खेल खेल्दा १५ रन बनाए।
बलिङमा अत्तरियाका विवेक यादव र कमल गुप्ताले २-२ विकेट लिए।
