क्रिकेट एक्सिलेन्स सेन्टर (सिइसी) प्रधानमन्त्री कप काठमाडौं जिल्ला छनोट क्रिकेट प्रतियोगिताको फाइनलमा पुगेको छ।
शुक्रबार माथिल्लो मुलपानी मैदानमा भएको पहिलो सेमिफाइनलमा महावीर क्लबलाई ४ रनले पराजित गर्दै सिइसी फाइनलमा पुगेको हो।
सिइसीले दिएको ९० रनको लक्ष्य पछ्याएको महावीर १०.१ ओभरमा ८५ रनमा अलआउट भयो। उसका लागि १९ रन जोडे।
त्यसअघि पहिले ब्याटिङ गरेको सिइसीले ८९ रनमा अलआउट भएको थियो।
शनिबार हुने दोस्रो सेमिफाइनलमा समूह ‘बी’ को विजेता ग्रेट हिमालयन र समूह ‘डी’ को विजेता न्यु भिजनबीच प्रतिस्पर्धा हुनेछ।
प्रतियोगिताको फाइनल आइतबार हुनेछ। प्रतियोगिताको समूह चरणमा १४ टोलीले प्रतिस्पर्धा गरेका थिए।
