महावीर क्लब प्रधानमन्त्री कप काठमाडौं जिल्ला छनोट क्रिकेट प्रतियोगिताको सेमिफइनलमा प्रवेश गरेको छ।
मंगलबार माथिल्लो मुलपानी मैदानमा लगातार तेस्रो जित निकाल्ने क्रममा महावरीले पुष्पलाल स्पोट्स क्लबलाई १२९ रनको फराकिलो अन्तरले पराजित गर्यो।
जितसँगै महावीर समूह ‘ए’ को विजेता बनेर अन्तिम चारमा पुगेको हो।
मंगलबार पहिले ब्याटिङ गरेको महावीरका लागि राकेश कर्णले ४४ बलमा ८० रन बनाए।
यस्तै सोनु देवकोटाको ४४ रन र रिजन थापाको ४१ रनको मद्दतमा महावीरले ४ विकेटको क्षतिमा २०९ रन जोड्यो।
२१० रनको लक्ष्य पछ्याएको पुष्पलाल १७.५ ओभरमा ८० रनमै अलआउट भयो।
पुष्पलालका लागि दीपक भण्डारीले ३४ रन जोडे। बलिङमा महावीरका प्रतिश जिसी, विराट बस्नेत र सगुन चन्दले २-२ विकेट लिए।
यता यो समूहको अर्को खेलमा थर्ड आइले ओएसिस क्रिकेट एकेडेमीलाई ४ रनले हरायो।
समूहबाट महावीर अन्तिम चारमा पुग्दा पुष्पलाल, थर्ड आइ र ओएसिस बाहिरिए।
