नेपाल महिला टी-२० त्रिकोणात्मक सिरिजमा थाइल्यान्डले लगातार तेस्रो खेलमा जित निकालेको छ।
सोमबार कीर्तिपुरस्थित त्रिवि मैदानमा थाइल्यान्डले नेदरल्यान्ड्सलाई १७ रनले पराजित गर्दै लगातार तेस्रो जित हात पारेको हो।
सिरिजमा यसअघि थाइल्यान्डले नेपाल र नेदरल्यान्ड्सलाई सुरुवाती खेलमा हराएको थियो।
सोमबार आफूले कमजोर ब्याटिङ गरे पनि थाइल्यान्डले विपक्षीविरूद्ध उत्कृष्ट बलिङ गरेर जित निकाल्यो।
८७ रनको लक्ष्य पछ्याएको नेदरल्यान्ड्सलाई थाइल्यान्डले १५.५ ओभरमा ६९ रनमा अलआउट भयो। नेदरल्यान्ड्सका लागि कप्तान बाबेर्टी डि लिगले सर्वाधिक २५ रन जोड्दा आठ ब्याटरले दोहोरो अंकमा रन बटुल्न सकेनन्। जसमा चार ब्याटरले त खाता नै खोल्न सकेनन्।
बलिङमा थाइल्यान्डका पुथ्थावाङ र काम्चोम्फुले ३-३ विकेट लिन सफल भए।
त्यसअघि टस जितेको नेदरल्यान्ड्सले फिल्डिङ रोजेपछि पहिले ब्याटिङ गरेको थाइल्यान्ड अन्तिम खेल्न बाँकी छदा ८६ रनमा अलआउट भयो।
थाइल्यान्डका लागि सुथीरुवाङले सर्वाधिक २७ रन बनाइन्। पन्निता मायाले १२ रन जोड्या अरु थाइ ब्याटर दोहोरो अंक जोड्न असफल रहे।
बलिङमा नेदरल्यान्ड्सका आइरिस ज्वइलिङ, इभा लिन्च र सिल्भर सेइजर्सले २-२ विकेट लिए।
सिरिजमा तीन खेल खेलेको थाइल्यान्डले सबै खेलमा जित निकाल्दा नेदरल्यान्ड्सले चार खेलमा दुई जित दुई हार ब्यहोरेको छ। घरेलु टोली नेपाल भने सुरुवाती तीनै खेलमा पराजित भइसकेको छ।
