जय नेपाल कप अन्तर विश्वविद्यालय अन्तर्राष्ट्रिय टी-२० क्रिकेट प्रतियोगिताको सेमिफाइनल समिकरण पूरा भएको छ।
आइतबार समूह चरणको अन्तिम खेलमा ढाका विश्वविद्यालयले बिहार विश्वविद्यालयलाई ७ विकेटले पराजित गरेसँगै सेमिफाइनल समिकरण पूरा भएको हो।
त्रिवि मैदानमा आइतबार जित हात पारेसँगै ढाका समूह ‘ए’ को विजेता बन्यो। ढाकाले समूहका तीनै खेलमा जित निकाल्दै ६ अंक जोड्यो।
यो समूहबाट त्रिभुवन विश्वविद्यालय दुई जितसहित उपविजेताको रुपमा अन्तिम चारमा पुग्यो। समूहबाट बिहार र पूर्वाञ्चल विश्वविद्यालय बाहिरिए।
यसअघि समूह ‘बी’ बाट मध्यपश्चिम विश्वविद्यालय विजेता र लखनउ विश्वविद्यालय उपविजेता बनेर अन्तिम चारमा पुगेका थिए।
अब सेमिफाइनलमा ढाका र लखनउ तथा त्रिभुवन र मध्यपश्चिम विश्वविद्यालय भिड्नेछन्। दुवै सेमिफाइनल सोमबार हुनेछन्। फाइनलमा मंगलबार हुनेछ।
