जय नेपाल कप टी-२० अन्तर विश्वविद्यालय अन्तर्राष्ट्रिय क्रिकेट प्रतियोगिताअन्तर्गत मध्यपश्चिम विश्वविद्यालय समूह ‘बी’ को विजेता बनेर अन्तिम चारमा पुगेको छ।
यसअघि नै लगातार दुई जित निकालेर अन्तिम चारमा पुगेको मध्यपश्चिमले शनिबार भारतको लखउन विश्वविद्यालयलाई २ विकेटले हरायो।
यससँगै मध्यपश्चिम समूह विजेता बन्दा लउखन उपविजेतामा सीमित बन्यो। लखउन पनि लगातार दु२ जितसहित अन्तिम चारमा पुगेको थियो।
शनिबार त्रिवि मैदानमा पहिले ब्याटिङ गरेको लखनउले ८ विकेटको क्षतिमा १४१ रन जोडेको थियो।
१४२ रनको लक्ष्य मध्यपश्चिमले २ बल खेल्न बाँकी छदा ८ विकेट गुमाएर पूरा गर्यो। मध्यपश्चिमका लागि निश्चल रावलले ४९ रन र दिपक डुम्रेले ४३ रनको योगदान गरे।
यता समूहको अर्को खेलमा काठमाडौंले दिल्ली विश्वविद्यायलाई ३९ रनले हरायो। दुवै टोली यसअघि नै बाहिरिएकाले काठमाडौं विश्वविद्यालयले सान्त्वना जित निकाल्यो।
