जय नेपाल कप टी-२० अन्तरविश्वविद्यालय क्रिकेट प्रतियोगितामा ढाका र लखनऊ विश्वविद्यालयले लगातार दोस्रो खेलमा जित निकालेका छन्।
शुक्रबार त्रिवि मैदानमा भएको समूह ‘ए’ को खेलमा ढाकाले पूर्वाञ्चल विश्वविद्यालयलाई १५२ रनको फराकिलो अन्तरले पराजित गर्यो। पूर्वाञ्चल समूह चरणमा तीनै खेलमा पराजित हुँदै बाहिरियो।
समूहमा त्रिवि र ढाकाले दुई दुई खेलमा जित निकालेका छन्। अब बिहार र ढाकाबीच समूहको अन्तिम खेलपछि सेमिफाइनलमा पुग्ने दुई टोलीको टुंगो लाग्नेछ।
यता समूह ‘बी’ को खेलमा लखनऊले काठमाडौं विश्वविद्यालयलाई ७३ रनले पराजित गर्यो। जितसँगै लखनऊले समूहमा मध्यपश्चिमसँ समान ४-४ अंक जोडेका छन्।
यससँगै समूहबाट लखनऊ र मध्यपश्चिम समूहको अन्तिम खेलअघि नै सेमिफाइनल पुगेका छन्।
काठमाडौं भने लगातार दोस्रो खेलमा पराजित भयो। समूहमा दिल्लीले पनि समान दुई खेलमा पराजित भोगिसकेको छ।
